Байгша оной октябриин 24-дэ Агын соёлой байшан соо «Эрмэгтэй буряад гутал» гэһэн тойрогой мүрысѳѳн хүүгэдэй дунда эмхидхэгдээ. 

Согто - Хангилай "Тэршээхэн унаган" бүлгэмэйхид.

Дулдаргын «Жэргэмэл» (хүтэлбэрилэгшэнь - Д.Чимитова), Хүнхэрэй «Булжуухай» (Е.Цыренова), Согто-Хангилай «Тэршээхэн унаган» (Ц.Цырендашиева), Агын К.Базарсадаевай нэрэмжэтэ «Ургы» (Л.Арцалонова) гэһэн уран һайханай һургуулиинхид ба Дулдаргын дунда һургуулиин «Булжамуур» (Д.Лодонова), Амидхааша нютагай «Улаалзай» (С.Чернинова) гэһэн буряад арадай аман зохёолой бүлгэмүүд тайзан дээрэ гаража, буряад угсаатанайнгаа ёһо заншал тухай хѳѳрѳѳ, арадай дуунуудые зэдэлүүлээ, ёохор хатараа.

Энэ фестиваль хадаа буряад арадай гуталда зорюулагдаа бшуу. Эрилтэ соонь хоёр лэ бүлгэм бэлдэжэ шадаа. 2-дохи шатын диплом Амидхааша нютагай «Улаалзай» бүлгэм абаа. 1-дэхи шатын дипломдо Согто-Хангилай хүүгэдэй хүгжэмэй һургуулиин «Тэршээхэн унаган» гараа. Бэшэ хабаадагша бүлгэмүүд баярай бэшэгүүдтэ болон бэлэгүүдтэ хүртѳѳ. 

 

 

Дэлгэрэнгыгээр 43-дахи дугаарта.

You have no rights to post comments