Сентябриин тэнгээр Сочидо Россиин байгаали хамгаалдаг һалбаринуудта ажалладаг эрхим мэргэжэлтэдтэ шагнал барюулгын ёһолол үнгэргэгдөө.
Россиин түрүүшын заповеднигэй байгуулагдаһаар 100 жэлэй ойдо ба заповеднигүүдэй хүгжэлтэдэ ехэ хубитаяа оруулһан зондо гүрэнэй тэмдэг болон грамотанууд барюулагдаа. Эндэ «Алхана» үндэһэн паркын 6 хүдэлмэрилэгшэд Россиин Байгаалиин нөөсэнүүдэй ба экологиин министерствын зүгһөө шагналнуудтай бусаа. Тодорхойлбол, Алханын лесничествын оршон тойронхиие хамгаалдаг гүрэнэй участково инспектор Баяржап Найдановта, паркын бухгалтер Евгения Доржиевада - «За заслуги в заповедном деле», Краснояровын лестничествын оршон тойронхиие хамгаалдаг гүрэнэй участково инспектор Павел Гурулёвто, паркын ойн ажахын ажаябуулгын таһагай дарга Сергей Тарховто – «Отличник охраны природы» гэһэн тэмдэгүүд, Алханын ба Ара-Элеэгэй лестничествэнүүдэй оршон тойронхиие хамгаалдаг гүрэнэй инспектор Борис Аюровта, Батор Морходоевто Хүндэлэлэй грамотанууд барюулагдаһан байха юм.
Дэлгэрэнгыгээр 41-дэхи дугаарта.
