«Забайкалиин хизаарай эрхим багша-2017» конкурсын илагша, Ага тосхоной 2-дохи дунда һургуулиин тоо бодолгын багша Соёлма Эрдэмовна Батоболотова Сочидо үнгэргэгдэһэн «Россиин эрхим багша-2017» конкурсдо хабаадажа, Шэтын можын, Забайкалиин хизаарай түүхэдэ түрүүшынхеэ федеральна шатада эрхим 15 багшанарай тоодо оробо.

 

С.Батоболотова.

 

Энэ конкурсдо 85 орон нютагай эрхим багшанар хабаадаа. «Конкурсын региональна шатада Соёлма Эрдэмовна өөрыгөө эрхимээр харуулаа һэн. Тэрэ бэлигтэй, дээдэ категориин багша юм. Мэргэжэлэй эрхим дүнгүүдээр С.Батоболотова РСФСР-эй габьяата багша, педагогическа эрдэмүүдэй доктор Жигмит Тумуновай нэрэмжэтэ шанда хүртэһэн шуу. Соёлма Эрдэмовна федеральна шатада һайн дүнгүүдые харуулха гэжэ бата этигэмжэтэй байгаабди», - гэжэ Забайкалиин хизаарай эрдэм һуралсалай ба залуушуулай политикын министр Андрей Томских хэлэһэн байна.

 

 

You have no rights to post comments