Зэргэ Дуйнхор дуган соо hурагшадай хоорондо «Аба эжын хэлэн гамтайл!» гэhэн заншалта конкурс үнгэрөө. Энэ мүрысөөндэ тойрогой 10 hургуули хабаадаа.
Конкурсын илагша - Зугаалайн можо.
Конкурс 5 шатаһаа бүридөө. 1-дэхи шата – Хонин тала «Этигэл хамбадаа зальбарнабди: Доншуур маани». Энэ шатада түрүүшын һуури – Агын 1-дэхи дунда һургуули, 2-дохиие – Агын тойрогой гимнази-интернат ба Гүнэйн һургуули, 3-дахиие Могойтын 2-дохи, Хүнхэрэй дунда һургуулинууд эзэлбэ. 1-дэхи шата «Гэрэй нангин тала – гунгарбаа», Морин тала «Эхын һургаал мүнхэ!». Түрүүшын һуурида Зугаалайн дунда һургуулиин Е.Дармаева гараа. 2-дохи шата – Морин тала «Эхын һургаал мүнхэ!» конкурсдо «Би буряад басаганби» мүрысөөндэ 1-дэхи һуури Табтаанай һургуулиин Д.Шойжитжапова эзэлээ. Мүн лэ энэ шатын «Байгаали ба хүн» конкурсдо Гүнэйн һургуулиин С.Шарапова түрүүлбэ. 3-дахи шата – Үхэр тала «Оньһон үгэ оностой, олоной үгэ тудастай» конкурсдо 1-дэхи һуурида Сахюуртын З.Дондоков гараба. 4-дэхи шата - Тэмээн тала «Уран гартан». «Мартагдаһан угалзанууд» мүрысөөндэ түрүүшын һуури Агын тойрогой гимназиин С.Ринчиндоржиева эзэлбэ. 5-дахи шата – Ямаан тала «Нүгэл ба буян» – капитануудай конкурсдо түрүүшын һуурида Зугаалайн дунда һургуулиин Т.Ухинова гараба.
Можонуудай хоорондо 1-дэхи һуури - Зугаалайн дунда һургуули, 2-дохиие – Сахюуртын, Гүнэйн, 3-дахи һуури Агын тойрогой гимнази ба Агын 1-дэхи дунда һургуулинууд эзэлбэ. Һурагшадые эдэбхитэйгээр бэлдүүлһэн багшанар – Б.Дылгырова, Б.Балдандоржина, Б.Жимбаева, М.Батуева, Б.Эрдынеева, Э.Болотова, Ю.Дашинимаева баярай бэшэгүүдээр шагнагдаа. Шангай һууринуудта гараһан һурагшад баярай бэшэгүүдээр, мүнгэн шангуудаар урмашуулагдаа, можо бүхэндэ амтан эдеэтэй тулам барюулагдаа.
Үргэлжэлэлынь 43-дахи дугаарта гараха.
