Октябриин 14-дэ Агын Буддын шажанай академиин байшан соо «Мүнхэ зулын толон доро» гэжэ Агын дасанай шэрээтэ ябаһан Золто Жигмитов ламхайн 60 жэлэй дурасхаалда зорюулагдаһан бага конференци үнгэргэгдөө.
Энэ хэмжээ ябуулга 2 секцидэ үнгэрөө. 1-дэхи - «Алтан нэрэнь мүнхэ» гэжэ секцидэ хабаадагшад Золто ламхайн ажаябуулга тухай ажал бэлдээд ерээ. 2-дохи - «Шажанаа аршалһан шэрээтэнэр» секцидэ хүүгэд Агын дасанай шэрээтэ ламхайнар тухай шэнжэлэлгын ажал хэһэнээ хөөрөө. Конференцидэ 14 һурагшад хабаадаа. «Алтан нэрэнь мүнхэ» секцидэ түрүүшын һуури Урда-Агын дунда һургуулиин Ц.Насанова эзэлээ. Золто ламхайн ехэ эгэшэ Ц.Жигмитова түрэлхидэй зүгһөө илагшадта баярай бэшэгүүдые ба мүнгэн бэлэг, багшанартань – баярай бэшэгүүдые барюулаа. 2-дохи секцидэ 6-8-дахи ангинуудай хабаадагшадай хоорондо - Могойтын дунда һургуулиин А.Самбаев, 9-11-дэхи ангинуудай һурагшадай хоорондо Амидхаашын дунда һургуулиин Е.Будаева түрүү һуури эзэлээ.
