Энэл үдэр Агын урлалай hургуулида уранаар уншагшадай «Агамни шамдаа» тойрогой конкурс үнгэржэ, гурбан аймагһаа 4 бүлэгтэ 56 уншагшад хабаадаа юм.
Энэ конкурс үргэн дэлисэтэйгээр үндэр хэмжээндэ үнгэрөө. Жюриин гэшүүдтэ hууринуудые гаргахань нилээн хүндэ байгаа юм. Тиимэhээ 9-11-дэхи ангинуудай хүүгэдэй дунда 1-дэхи hуурида хэдэн хүниие гаргаа бшуу. 1-2-дохи ангинуудай hурагшадай хоорондо: Уртын дунда hургуулиин Ц.Шоглино («Һурагша» Ц.Бабуева), 3-4-дэхиин хүүгэдэй дунда – Сагаан-Шулуутайн А.Бальжинимаева («Ванда» Ц.Бабуева), 5-6-дахиин hурагшадай дунда – Ага-Хангилай А.Бадмаев («Минии нүхэд – минии амиды бурхад» М.Чойбонов), 7-8-дахиин хүүгэдэй хоорондо – Урда-Агын А.Самбуев («Эхэ үндэhэн хэлэмнай» С.Цыренов), 9-11-дэхиин hурагшадай хоорондо – Зугаалайн Т.Долсонов («Би бэлэнби!» Ц.Бабуева), Могойтын 1-дэхи hургуулиин - Б.Бальжинимаев («Тэмүүжин» Ц.Бабуева), Агын 1-дэхи hургуулиин Б.Бальжиев («Уулзалга» Ц.Жамбалов) гэгшэд түрүүшын hууринуудые эзэлээ.
