Октябриин тэнгээр тойрогой ТОС-ой комиссиин гэшүүд хүдөө нютагуудаар ябажа, ариг сэбэрлэлгын хүдэлмэринүүдые хараа.
Түрүүн Могойтын, Агын аймагуудай нютагуудаар ябажа хараад, эгээл һүүлдэ Дулдаргын аймагай урда хотын сэлеэнгүүдээр ябаһан байна. Аймагай түб hуурин Дулдарга ариг сэбэрээрээ тойрог дотор түрүү зэргэдэ ябадагаараа суурхадаг hэн. Харин hүүлшын жэлнүүдтэ нобшо хаядаг газар дээгүүр, олон квартирна гэр байрануудай хажуугаар hалан байдал үзэгдэжэ, hууринай шарай доошонь дарана бшуу. Нобшо хаядаг газарыень ошожо харахада, эндэ тэндэ обогор нобшонууд. Хажуудань алхам хүрэхэгүй газарта нобшо хаана абаашажа буулгахаб гэhэн тэмдэгүүд зоогоотой байна. Дулдарга һууринай захиргаанай мэргэжэлтэдэй хэлэһээр, ябан ошон нобшо хаядаг газараа тойруулжа, модо тариха түсэбтэй. Ага тосхонһоо жэшээ абажа, дулдаргынхид айл бүхэнhөө түлбэреэр нобшыень суглуулжа хаядаг болоо. Һарын хоёр удаа авто-унаа ябажа, айлнуудай нобшо суглуулжа хаяна. Түлбэринь 50 түхэригтэ. Комиссиин түрүүлэгшэ Булат Раднаевай хэлэһээр, Могойто тосхонойхид нобшо суглуулдаг хайрсаг (контейнер) хэрэглэхээ болихо һурагтай. Юундэб гэхэдэ, хайрсаг соо тосхоной ажаһуугшадай нобшоёо асаржа хаяжархихадань, тэрэнь дүүрэшэнэ. Дулдарга hуурин дээрэ 3 ТОС бии: «Содружество», «Западный», «Заречный» болоно. ТОС бүхэн нютаг дээрээ ехэ ажал ябуулна.
Дэлгэрэнгыгээр 44-дэхи дугаарта.
