Тойрогой 80 жэлдэ зорюулагдажа, волейболоор хизаарай 16-дахи нээмэл мүрысөөн үнгэргэгдөө.
Акшаагай, Бооржын, Харымай, Хэрын, Каларска, Ононой, Үлеэтын, Шиилхын, тойрогой 3 аймагай, Ага тосхоной можонууд түрүү һуури эзэлхын түлөө эрхимүүдээ элирүүлээ. Анха түрүүн мүрысөөн Ленинэй комсомолой шанда үнгэргэгдэдэг байһанаа, саг зуура болигогдоһон байгаа. Ябан ошон 2002 ондо дахяад һэргээгдэжэ, мүнөө болотор нэгэшье жэлдэ таһалдангүй үндэр хэмжээндэ эмхидхэгдэнэ бшуу. Тус мүрысөөндэ Агын аймагай эрэшүүлэй ба эхэнэрнүүдэй можонуудай тамиршад эгээл оло дахин үндэр амжалта туйлаһан байха юм. Энэ жэлэй нааданда Агын аймагай эрэшүүл финалда ононойхидые сэбэр шүүжэ, 5 удаа абарганууд боложо, нютагайхидаа хүхеэгээ. Волей- болистнууд Түмэн Базаров, Алексей Шаткус, һоригшо Тимур Базаров, судья Самбу Дондоков тусхай шангуудта хүртөө һэн. Эхэнэрнүүдэй хоорондо Могойтын «Рассвет» дахяад абарга болоо. Могойтын басагад Үлеэтын, Шиилхын тамиршадта найдал үлөөнгүй, түрүү һуурида гараа. Илагша можын Сарюна Тобоева, Надежда Шаранхаева, һоригшо Бальжинима Лхасаранов, судья Батор Батоцыренов гэгшэд тусхай бэлэгүүдтэ хүртэһэн байна.
