Агын тойрогой эмхи зургаануудай, үйлэдбэринүүдэй хүтэлбэрилэгшэдэй дунда буряад хэлэ мэдэлгээр мүрысөөн үнгэргэгдэбэ.

 

Энэ удаа октябриин 27-до Агын нэгэдэхи дунда һургуулиин танхим соо тойрогой һуралсалай гуламтануудай, хүүгэдэй сэсэрлигүүдэй, уран урлалай байшанай 13 ударидагшад сугларжа, «Эрхим хүтэлбэрилэгшэ» гэһэн конкурсдо хабаадажа, талаан бэлигээр түгэлдэр, эхэ хэлэндээ эльгэлһэн байһанаа харуулаа бшуу. Тэдэнэр «Мүнөө сагай байдалай шухала асуудал» гэһэн буряад хэлэн тухай үгэ хэлэжэ, дуу, хатар, зүжэглэмэл наада гүйсэдхэжэ, һайхан үреэлэй мүрысөөндэ хабаадажа, эрхимүүдээ элирүүлээ юм. Гурбан шатаһаа бүридэһэн мүрысөөнэй дүнгөөр, гран-при шанда Сахюуртын дунда һургуулиин директор Соёл Номтоев хүртөө, Ага-Хангилай дунда һургуулиин директор Цырегма Шойропова, Дулдаргын үхибүүдэй уран урлалай байшанай директор Эржен Загдаева ба Согто-Хангилай хүүгэдэй сэсэрлигые даагша Дулма Бадураева гэгшэд тус тустаа 1-дэхи, 2-дохи, 3-дахи һууринуудта гаража, тэдэнэртэ Агын Буряадай тойрогой Захиргаанай социальна һалбариин хүтэлбэриин даргын үүргэ дүүргэгшэ Роза Балдоржиева, Агын социальна һалбариин хүдэлмэрилэгшэдэй мэргэжэл дээшэлүүлгын институдай ректорэй уялга дүүргэгшэ Лхама Рабданова гэгшэд баярай бэшэгүүдые, үнэтэ бэлэгүүдые, номуудые барюулһан байна.

 

Дэлгэрэнгыгээр 45-дахи дугаарта.

You have no rights to post comments