Европын арадуудай «Алрос» Кубогай түлөө уласхоорондын турнир ноябриин 12-то Москва хотодо үнгэргэгдэжэ, Россиин можо программын бүхы янзануудаар – греко-римскэ, дүрэ буляалдаата ба эхэнэрэй барилдаагаар түрүүшын һуури эзэлээ.
Ц.Максаров (дундань).
Дүрэ буляалдаата барилдаагаар гүрэнэй можын бүридэлдэ нютаг хүбүүн, Россиин чемпионадта хүлэр медальда хүртэгшэ Цыбик Максаров хабаадаа. Тэрэ 125 кг шэгнүүртэ барилдаба. Цыбик Молдавиин Ш.Джамбраиловые 8:6 очкогоор шүүгээ бшуу. Россиин дүрэ буляалдаата янзаар барилдаашад Грузиин командые 7:1, Молдавиин - 8:0 ба Азербайджанай – 8:0 очконуудаар илаба. Эндэ илагша болоходоо, Цыбик Максаров бүхэ барилдаагаар тамирай уласхоорондын классай мастерай нэрэ зэргэтэй болоо.
