Октябрь һарын эсэстэ Урда-Агада шатараар Гомбожаб Цыбиковэй дурасхаалда зорюулагдаһан заншалта турнир үнгэргэгдөө.
Нааданай һайн эрхэ нүхэсэл, эрхим бэлэдхэл болон эмхидхэлгэ жэлһээ жэлдэ олон хабаадагшадые суглуулдаг юм. Тон шанга шатаршадай сугларһан «А» турнирта Ким Дашиев (Акшаа) илаа, 2-дохи һуурида – Зорикто Цыбенов (Ага), 3-дахида Валерий Тароев (Чернышевск) гараа. Харин 7-тойһоо 82 хүрэтэр наһатай тамиршадай хабаадаһан «Б» турнирта Баиржан Батуев (Ага) илаба.
