Октябриин 30-һаа ноябриин 10 болотор Новокузнецк хотодо 11, 13 наһатай үхибүүдэй хоорондо шатараар Сибириин федеральна тойрогой мүрысөөнүүд үнгэргэгдөө. Мүрысөөнүүдтэ 371 тамиршад хабаадаа.
Я.Жапова (1-дэхи ряд, баруун гарһаа 3-дахи).
Агын аймагай хүүгэдэй-эдиршүүлэй тамирай һургуулиин хүмүүжэмэл Яна Жапова 11 наһа хүрэтэр бүлэгтэ һайн дүнгүүдые харуулаа. Һоригшонь – Б.Долсонов. Яна классическа шатараар илагша болоо. Гадна Яна түргэн шата раар мүнгэн медальда хүртөө, блиц янзаар - 4-дэхи. Классическа шатарай дүнгүүдээр, Яна Жапова Сибириин федеральна тойрог түлөөлжэ, 2018 оной апрель һарада Сочидо үнгэргэгдэхэ Россиин түрүү һууриин түлөө мүрысөөндэ хабаадаха эрхэтэй болоо. Шэтын Т.Захарова баһал Сочи ошохо путёвкодо хүртөө.
Забайкалиин хизаарай шатарай федерациин мэдээсэһээр, Забайкалиин шатарай түүхэдэ түрүүшынхеэ Сибириин федеральна тойрог хоёр тамиршад түлөөлхэ болоо. 19 наһа хүрэтэр бүлэгтэ Шэтын Ксения Абашеева түргэн шатараар илаа, блиц янзада 2-дохи болоо, Шэтын Бато Цырендашиев түргэн шатараар 3-дахи һуури эзэлээ һэн.
