Эндэнэй Агын ГИБДД-гэй инспекторнүүд «Общество слепых» бүлгэмтэй хамта «Сагаан тулуур» гэһэн һэргылэмжын акци эмхидхээ.
Агын ГИБДД-гэй инспектор Ц.Эрдынеевагай тэмдэглэһээр, хараа муутай зоной аюулгүйгѳѳр харгы гаталхын, мүн жолоошодой эрэмдэг зондо бүри анхаралтайгаар хандахын тула энэ акци түрүүшынхеэ эмхидхэгдэһэн байна. Акцида Могойтын, Шэнэ Орловскын ба Ага тосхоной дүн хамта хараа муутай дүрбэн эгэшэнэр, мүн Агын 2-дохи дунда һургуулиин 5-дахи ангиин һурагшад эдэбхитэйгээр хабаадаа бшуу. Һурагшад «Сагаан тулуур» гэһэн акцида зорюулжа, эртээнһээ зураг зураад, үйлсѳѳр ябажа, зондо дурадхажа, ойлгуулжа байгаа. Мүн хараа муутай зониие хүндэлжэ, тэдэнэртэ анхаралтай байхыень уряалан, «Внимание! Незрячий пешеход!» гэһэн саарһануудые жолоошодто тараагаа. Тиихэдэ Цыцыгма Мункуевнагай хүтэлбэри доро багашуул эгэшэнэрые дахуулан, унаануудай урдуур харгын нүгѳѳ тала руу гаргалсаа. Инспекторэй хэлэһээр, хараа муутай зоной харгын хажууда зогсоод, 3 дахин тулуураа үбсүүндээ хүрэтэр үргэхэдэнь, жолоошод тэдэ харгы хүндэлэн гарахань гэжэ ойлгохо ушартай юм.
Дэлгэрэнгыгээр 44-дэхи дугаарта.
