«Агын Буряадай тойрог: түүхэ, мүнѳѳ үе ба хүгжэлтын шэглэлнүүд» гэһэн эрдэмэй-дадалай конференциин эсэстэ «Нашей истории строки» гэһэн номтой танилсуулга болоо.
Номой автор – 38 жэлэй стажтай журналист Зоя Баранова. 224 нюуртай, 300 хэһэгээр барлагдаһан энэ ном тойрогой Захиргаанай дэмжэлтээр хэблэгдээ.
- Автор найман жэлэй туршада баримтануудые суглуулһан байна. «Агинская правда» һониной түүхэдэ үндэһэлжэ, бүхыдѳѳ Агын тойрогой түүхэ энэ ном соо харуулагдана. Тиимэһээ бидэ энэ ном хэблэлгэ дэмжэхэ гэжэ шиидээ бэлэйбди, сагай ошохо бүри номой бүри сэнтэй, һонирхолтой болохонь дамжаггүй, - гээд тойрогой Захиргаанай хүтэлбэрилэгшэ Бато Доржиев тайлбарилба.
