Эндэ һая Эрхүүгэй можын Саянск хотодо боксоор эдиршүүлэй хоорондо бүхэроссиин турнир үнгэрөө.
Энэ турнир 13-дахяа үнгэргэгдэбэ, харин һоригшо Артём Боровскиин хүтэлбэри доро 15 тамиршадһаа бүридэһэн Забайкалиин хизаарай команда түрүүшынхеэ хабаадаа. Мүрысөөндэ Хакасиин, Буряад республикануудай, Эрхүүгэй, Новосибирскын ба Томскын можонуудай, Хабаровска хизаарай 250 тамиршад суглараа. Забайкалиин хизаарай 5 үхибүүд финалда гараа. Зүгөөр дунда шэгнүүрэй (60 кг хүрэтэр) бүлэгтэ хабаадагша гансал Александр Мыдыгмаев илагша болоо. Дулдаргын аймагай Тугшан нютагай 16 наһатай Александр Шэтын бизнесэй ба технологинуудай техникумэй оюутан, «Юность Забайкалья» тамирай клубта бэеэ һоридог юм. Һалгай гараараа шаадаг А.Мыдыгмаев уулзаһан тамиршадаа таагүй байдалда оруулдаг байгаа. Һоригшодынь - Евгений Руднев ба Баир Цыденов. Бэшэ 4 боксёрнууд мүнгэн медальнуудта хүртөө бшуу.
