Ага тосхондо оршодог Забайкалиин хизаар дотор ори гансахан Байгаали хамгаалгын музей 40 жэлэйнгээ ойн баяр октябриин 29-дэ тэмдэглэбэ.
Энэ музей 1976 ондо Агын багшанарай һургуулиин дэргэдэ Владимир Стрельников байгуулһан. Баяр ёһололой хэмжээ ябуулгануудта олон тээһээ айлшад бууһан байна: тойрогой Захиргаанай хүтэлбэрилэгшэ Бато Доржиев, Ага тосхоной захиргаанай толгойлогшо Батор Бадмажабэ, Шэтэ хотын, Дагуурай, тойрогой аймагуудай музейнүүдэй түлөөлэгшэд г.м.
«Байгаалиин түрэл аялга дуунууд» гэһэн фото-зурагуудай үзэсхэлэн энэ хэмжээ ябуулгын эхиндэ дурадхагдаба. Удаань Байгаалиин музейн байгуулагдаһан тухай видеофильм харуулагдаа юм.
Бато Доржиев Агын тойрогой ажаһуугшадай зүгһөө В.Г.Стрельниковые, музейн ажалтадые амаршалаад, бэлэгүүдые барюулһан байна. Һүүлээрнь хизаарай музейнүүдэй, һургуулинуудай түлөөлэгшэд байгаали хамгаалха асуудалаар зүблөө бшуу.
Дэлгэрэнгыгээр 44-дэхи дугаарта.
