Забайкалиин нарин нооһото үүлтэрэй хонидой байгуулагдаһаар 60 жэл гүйсэбэ.
Энэ хэрэгтэ онсо ехэ хубитаяа оруулһан Ушарбай нютагай зоотехник-селекционер Базарсадо Цыбиков Ленинэй ба Ажалай Улаан тугай орденгуудта, ВДНХ-гай алтан медальнуудта хүртэһэн. Тэрэ Эсэгын дайнай урда жэлнүүдһээ эхилжэ, үүлтэр һайжаруулгын ажал ябуулаа, һайн нооһо, мяха үгэдэг хонидые байгуулалсаа. Базарсадо Цыбикович Эсэгын дайнай орденоор шагнагдаһан. Нютаг зондоо хүндэтэй мэргэжэлтэн Австралиһаа сэбэр шуһатай мериносуудые асарха һанал бодолтой һэн. Энэ ехэ хүсэлыень тэрэнэй хүбүүн, дээдэ эрдэмтэй Бадмажаб Цыбиков бэелүүлжэ шадаһан. Тиигэжэ бэлигтэй селекционер хонидой шанарыень улам дээшэлүүлээ. Тэрэнэй нарин нягта ажалай дүнгөөр «Ушарбай» ажахы гүрэнэй племзаводой зэргэтэй болоо, Догой, Хүһөөшэ, Тугшан нютагуудта нарин нооһото үүлтэрэй хонид байгуулагдаа. Австрали, Дагестан, Хальмаг, Ставрополь гэхэ мэтэ газарнуудаар ябаа, эрдэмэй 20 ажал бүтээһэн. РФ-гэй Президентын зарлигаар, 1992 ондо «Россиин Федерациин габьяата зоотехник»,1998 ондо «Хүдөө ажахын эрдэмүүдэй кандидат» гэһэн нэрэ зэргэнүүдтэ хүртэһэн.
Эсэгэ хүбүүн хоёр шэнэ үүлтэр байгуулгада талаан бэлигээ, хамаг хүсэ шадалаа үгөө юм.
Дэлгэрэнгыгээр 44-дэхи дугаарта.
