Эсэгын дайнай үедэ Улаан Армиин ара талын гол хүтэлбэри эдеэ хоол эмхидхэдэг байгаа. Сүүдхэ соо солдат 800 грамм хилээмэ, 500 грамм хартаабха, 170 грамм хапууста, 140 грамм хүрпээ, 150 грамм мяха, 100 грамм загаһа, 35 грамм саахар, 30 грамм саала, 20 грамм наран сэсэгэй тоһо эдихэ ёһотой байгаа. Хүдөөдэ солдадууд полевой кухниин хажууда эдеэлдэг, түрүү талада (передовая) байгаа һаань, тусхай термосүүд соо эдеэ абаашадаг һэн. Нюргандаа үргэлөөд ябаһан хүндэ термостэеэ мүлхижэ ябаһан хүнэй буудуулшоо һаа, солдадууд окоп соогоо хооһон һуудаг байгаа. Эдеэнэй зүйл асаржа ябаһан унаагай боомбодуулхада, тогоошон эдеэ хоол хэхэ аргагүй болохо. Иимэ ушарта дайнай үеын рецепт бии болоһон. Бусалһан уһанда хилээмэ бутаргаад, лук ба тоһо хээд, тюрей, али мурцовко гэжэ нэрэтэй шүлэ шанажа, дуратайгаар эдидэг бэлэй. Хилээмэн муу шанартай һэн: ехэнхидээ талханда хартаабхын ба свёклын татагдаһан хальһа, хибэдэһэшье холидог байһан.
Эсэгын дайнай үедэ солдадуудай даабарида ошоходонь, хэдэн хоногой сухпаёк үгэдэг байгаа. Тэрээн соонь нэгэ хэды консервэ, шүлэнэй концентрат, хара хилээмэн ба томо хэршэм саала, али колбаса үгтэдэг һэн.
