Буряад хэлэнэй һара соо «Үльгэр» сэсэрлигтэ түсэбэй ёһоор элдэб хэмжээ ябуулганууд үнгэргэгдэһэн байна.

 

Үхибүүд хүдѳѳ буусада.

 

Үхибүүд сэсэрлиг соо зохёоһон «Орогты манайда» гэһэн музейгээр аяншалаа. Октябриин 16-да сэсэрлигэй ажалтад ба гэртэхин диктант бэшээ. Диктант бэшэлгээр сэсэрлигэй ажалтадай дунда түрүү һуури хүмүүжүүлэгшэ Дарима Митупова эзэлээ, харин гэртэхинэй дундаһаа Баира Дармаева түрүүлһэн байна. Мүн «Буряад хэлэн - түрэл хэлэн» гэһэн шүлэгэй мүрысѳѳн боложо, үхибүүд эхэ хэлэн дээрээ уянгата һайхан шүлэгүүдые сээжэлдэжэ, талан бэлигээ харуулаа. Шүлэгэй мүрысѳѳндэ илажа гараһан үхибүүд «Барбаадай» гэһэн тосхоной мүрысѳѳндэ хабаадажа, һургуулида бэлэдхэлэй бүлэгэй Цырен Базаржапов – гурбадахи һуури, ахалагша бүлэгэй Елизавета Чимитдоржиева - хоёрдохи һуури, багашуулай бүлэгэй Ирина Цынгуева түрүүшын һуури эзэлээ. Тойрогой мүрысѳѳндэ Елизавета Чимитдоржиева ба Цырен Базаржапов баһал шангай һууринуудые эзэлжэ, гэртэхинээ ба хүмүүжүүлэгшэдээ урмашуулһан байна. Эндэ гэртэхинэй оролдолго, аша туһа сэгнэшэгүй ехэ юм. Эдир багашуулай буряад хэлэ мэдэсэ хүгжѳѳхэ, үгынь нѳѳсэ баяжуулха хэрэгтэ аргагүй туһатай ба хэрэгтэй.

Октябриин 19-дэ «Минии уг гарбал» гэһэн һонирхолтой үзэсхэлэн үнгэрѳѳ. Тэндэ үхибүүд эжы абатаяа уг изагуураа удхалан шэнжэлжэ, угайнгаа һарбаалжа харуулаа. Найдан Балдановтанай бүлэ элинсэг хулинсагайнгаа эгээл шадамар бэрхэ хүнүүдые дурдажа, уг гарбалай түүхэ тобшолон хѳѳрэжэ, олоной һонирхол татаа.

 

Дэлгэрэнгыгээр 48ахи дугаарта.

You have no rights to post comments