Могойтын аймагай Сагаан-Уула ажахын хамтын мал харууhалдаг малшад ута нюргатай үбэлжэлгые эрхимээр дабажа байнхай. Энэ нютагаар ябахадаа, тус ажахын түрүүлэгшэ Цыден Доржинимаевтай уулзажа, ажал хэрэгүүдтэйнь танилсаабди.

- Цыден Батомункуевич, Танай хүтэлбэрилдэг ажахын мүнөөдэрэй байдал ямаршууб? Малай тоо хэдыб?

- Ажахыдамнай табан хушуун мал үсхэбэрилэгдэдэг юм. Декабриин 1-эй байдалаар, хүдөө буусануудаар 1636 толгой хонин тоологдоно, тэдэнэй 1177-иинь эхэ хонин болоно. Тиихэдэ 205 эбэртэ бодо мал, тэрэ тоодо 102 үнеэн, 283 адууһан үсхэбэрилэгдэнэ. Адуунай 100-иинь гүүн болоно бшуу. Мүн тиихэдэ 29 ямаан, 40 тэмээн тоологдоно.

- Малшадтнай үбэлжэлгэдэ хэр зэргэ бэлдэжэ ороһон байнаб?

- Һүүлэй жэлнүүдтэ малай үбэлжэлгэ хүндэхэн байдалда үнгэрнэ. Эндэ ямар шалтаг бииб гэхэдэ, үбhэ тэжээл багаар нөөсэлэгдэнэ. Сабшалан газарнуудаар ногоон муугаар ургана. Ондоо тээhээ асархань гарзатай. Хажуугаарнь ехэ саhан орожо, бэлшээри хушана. Нютагаймнай үндэр наһатайшуулай хэлэһээр, хэды ган жэл тохёолдобошье, үбһэ хулһаяа хорёо хашаагаар дүүрэн абадаг һэн. Һүүлшын хоёр жэл соо Шиилхын аймагта үбһэ сабшабабди. Тиихэдэ урагшаа Сүүгэлэй газар дээрэ малай хоол бэлдэжэ нөөсэлөөбди. Полигон дээрэ нөөсэлһэн 300 гаран рулонтой үбһэ малшадайнгаа буусануудаар тараагаабди. МТЗ-82 трактораар, ГАЗ-53 унаагаар шэрээбди. Дууһан шэрэжэрхёо һаа гэхэдэ, шэнгэн түлишэ дутаа бшуу. Тугал буруу, түлгэ харууһалдаг буусануудаар ехээр буулгаха гэжэ шиидээбди. Тулюур бэетэй мал үбэлжэлгэ дабангүй байжа магад. Малшадта мүнөө сагта малай бэе тэнхээдэ анхаралаа онсо хандуулха зорилго табигданхай. Манай хараалһан түсэбөөр, хоол хүрэхэ ёһотой гэжэ һанагдана. Хабар болотор хүрэнгүй дууһаа һаань, бэдэрхэбди.

Дэлгэрэнгыгээр 3ахи дугаарта.

You have no rights to post comments