Б.Батомункуев (зүүн гарһаа), Б.Доржиев, Н.Жданова, Б.Жамсуев, И.Лиханов, Д.Колозин.
Агын Буряадай тойрогой Захиргаанай заншалта болоһон жэлэй дүн таталгын суглаан январиин 27-до үнгэргэгдэбэ.
Суглаанда хизаарай гүйсэдхэхы болон хуули байгуулгын засаг зургаануудай хүтэлбэрилэгшэд, тэрэ тоодо губернатор Наталья Жданова, Федеральна Суглаанай Федерациин Зүблэлэй гүрэнэй аюулгүйе сахилгын хорооной түрүүлэгшын орлогшо Баир Жамсуев, хизаарай Хуули байгуулгын Суглаанай түрүүлэгшэ Игорь Лиханов, ахамад федеральна инспектор Дмитрий Колозин, тойрогой Түлѳѳлэгшэдэй суглаанай түрүүлэгшэ Цырен Цыренов болон хизаарай правительствын гэшүүд - министрнүүд, орлогшонорынь, мүн тойрогой федеральна, муниципальна, хүдѳѳ ажахын эмхинүүдэй хүтэлбэрилэгшэд - бүхыдѳѳ 342 хүн хабаадаа.
Хабаадагшад үглѳѳнэй 10 сагһаа социальна һалбариин, экономическа хүгжэлтын болон агропромышленна комплексын секцинүүдтэ ажаллаһан байна. Удаань «Агинский Бурятский округ-2016» гэһэн үзэсхэлэн сугларагшадта дурадхагдаа, һүүлээрнь пленарна зүблѳѳгѳѳр дүн таталгын суглаан түгэсэһэн байна.
Дэлгэрэнгыгээр 5-дахи дугаарта.
