Түрэлхи хэлэнэй үдэр жэл бүри февралиин 21-дэ тэмдэглэгдэдэг. Энэ үдэр олон ондоо хэлэнүүдэй болон соёлой хүгжэлтэдэ нүлѳѳлхэ зорилготойгоор һайндэрнүүдэй литэдэ оруулагданхай.
Ага тосхоной түб талмай дээрэ.
ЮНЕСКО-гой шэнжэлэлгээр, буряад хэлэн дэлхэйн хосоржо байһан хэлэнүүдэй тоодо оруулагданхай гэжэ мэдэнэбди. Хэлэеэ дэлгэрүүлхэ талаар тойрогой дэбисхэр дээрэ засаг зургаануудай, багшанарай, олондо мэдээсэл тараадаг хэрэгсэлнүүдэй г.м. хэды ажал ябуулдагшье һаань, ургажа байгаа залуу үетэмнай түрэл хэлэнһээ холодожол байна гэжэ нюуса бэшэ. Улас түрыншье талаһаа Россиин бүхы арадуудай үндэһэн хэлэнүүд хуулиин ёһоор гүрэнэй хамгаалалта доро байдаг. Тиимэһээ залуушуулые түрэл хэлэндээ дадхааха, танилсуулха талаар олон тоото арга боломжонууд хэрэглэгдэдэг юм. Тэрэ тоодо эмхи зургаануудта болон наймаануудта, газаахи рекламада болон соносхолнуудта гаршагуудые (вывески) гүрэнэй хэлэнтэй зэргэ буряадаар бэшэбэл, аша үрэтэй байхаар гэжэ һанагдана. Зүгѳѳр буряадаар бэшэһэн гаршагууд тон үсѳѳн, энэ хэрэг гуримшуулжа, заншалта болгоо һаа, хэлэ дэлгэрүүлгэдэ багаханшье һаа түлхисэ болохо һэн ха...
Дэлгэрэнгыгээр 8-дахи дугаарта.
