Ямар яһанай, шажанай гэжэ илгаагүй, хани барисаан, бэе бэеэ хүндэлэлгэ гээшэ тойрогой эршэмтэй хүгжэлтын бата бэхи үндэһэ һуури боложо үгэдэг. Хани барисаан ба нэгэдэлгэ мүнөө сагта бүри шухала болоод байна. Сугтаа бидэ ямаршье бэрхэшээлнүүдые дабаха аргатайбди.
   Агын Буряадай тойрогой Захиргаанай хүтэлбэрилэгшын орлогшо Билигма Будаева фестиваль нээлгэдэ сугларагшадые амаршалаад, амжалта хүсөө. Тиигээд иигэжэ хэлэбэ: «Мүнөө жэлэй фестиваль онсо илгаатай, юуб гэхэдэ, Гэр бүлын жэлдэ зорюулагдаа. Элдэб яһатанай эбтэй эетэй бүлэнэрэй баялигтай танилсахаяа байһандаа баяртайбди».
   Тойрогой ба аймагуудай, «Ага тосхон» хотын тойрогой гэр бүлэнэр – хамта 9 можо хабаадаа. Ёһо заншалаа, урлалаа ба талхаар болгоһон заншалта эдеэнэй зүйлнүүдые буряадууд, ородууд, татарнууд, кыргызүүд, башкирнууд ба хамнигад дэлгээ.

You have no rights to post comments