Агын тойрогой болон Дорнод аймагай ветерануудай эмхинүүдэй эдэбхитэд Агын найман эсэгын хүшѳѳгэй дэргэдэ.
Агын тойрогой Наhатайшуулай зүблэл хүршэ Монгол ороной Дорнод аймагай ахамад наһатанай эмхитэй тон нягта харилсаатайгаар ажал ябуулдаг юм.
Июниин эсэстэ тойрогой ветерануудай зүблэлэй эдэбхитэд Чойбалсан, Сайншанда хүрэтэр албанай хэрэгээр, мүн Сайншанда шадар оршодог Шамбалын орон хүрэжэ үргѳѳд, мүргѳѳд ерэһэн байна.
Июлиин 25-ай үдэшэ 7 хүнһѳѳ бүридэһэн монгол делегаци Агын тойрогой дэбисхэр дээрэ буугаа. Үглѳѳдэрынь Монгол оронойхид тойрогой Захиргаанай хүтэлбэрилэгшын уялга дүүргэгшэ Буянто Батомункуевтай уулзаһан, делегациин хүтэлбэрилэгшэ Тѳмѳр дарга (1-дэхи рядта баруун гарһаа 4-дэхи) тойрогой ветерануудай зүблэлэй түрүүлэгшэ Цырендаши Санданов (1-дэхи рядта баруун гарһаа 3-дахи) хоёр саашадаашье харилсаагаа улам бүри хүгжѳѳхэ тухай албан ёһоной хэлсээн доро гараа табиһан байнад. Удаань монголнуудта Ага тосхоной алдарта һонин газарнуудаар экскурси хэгдээ. Һүүлээрнь айлшад Шэтэдэ хизаарай ветерануудай зүблэлэй эдэбхитэдтэй уулзаад, Алхана бараалхаад, бүхыдѳѳ табан үдэрэй туршада манай ороноор аяншалаад, нютагаа бусаһан байна.
Дэлгэрэнгыгээр 31-дэхи дугаарта.
