Агын Буряадай автономито тойрогой орденгуудай тэмдэг нээлгын ёһололдо.
Түхэреэн жэлэй туршада 60 гаран хэмжээ ябуулга Агын Буряадай тойрогой 80 жэлэй ойдо зорюулагдаһан байна гээд сентябриин 29-дэ Агын соёлой байшан соо эмхидхэгдэһэн баярай суглаан дээрэ Үбэр Байгалай хизаарай Правительствын түрүүлэгшын орлогшо – Агын Буряадай тойрогой Захиргаанай хүтэлбэрилэгшэ Бато Доржиев мэдээсэһэн байна. Эдэ олон үйлэ хэрэгүүдэй гол хэмжээ ябуулгануудынь сентябриин 29-30-ай үдэрнүүдтэ үнгэргэгдэбэ.
Нэн түрүүн, тойрогой 80 жэлэй ойн баяр ёһололой хэмжээндэ Ага тосхондо шэнэ хүшѳѳнүүд нээгдээ. Тойрогой Захиргаанай эгсэ урдахана, Комсомольская ба Базар Ринчиногой гудамжануудай уулзуурта «Агын Буряадай автономито тойрогой орденгууд» гэһэн тэмдэг дурасхаалта газарнуудай нэгэн болобо. Мүнѳѳ жэл Арадуудай эб найрамдалай орденой тойрогто барюулагдаһаар 45 жэлэй, Ажалай Улаан Тугай ордендо хүртэһѳѳрнь 40 жэлэй ойнууд мүн лэ тэмдэглэгдэнэ, тиимэһээ эдэ түүхэтэ үйлэ хэрэгүүдые мүнхэлжэ, һиилэгдэһэн хүлэр орденгуудтай тэмдэг бодхоогдобо бшуу.
Дэлгэрэнгыгээр 40-дэхи дугаарта.
