Россиин хото тосхонгуудые болбосон түхэлтэй болгохын урманда «Формирование комфортной городской среды» гэһэн түһөө түсэб 2017-2022 онуудта бэелүүлэгдэнэ.

 

"Северный" хотоной шэнэ талмай.

 

«Единая Россия» гэһэн политическэ намай үүсхэһэн түһөө түсэб Россиин Президент Владимир Путин дэмжэжэ, хото тосхонгуудые болбосон түхэлтэй болгохо ажал эмхидхэһэн байна. Энэ түһөө түсэбтэ гүрэнэй бюджедһээ горитойхон хэмжээнэй мүнгэн һомологдожо, нютагуудаар тараагдаа. Забайкалиин хизаарта 221 сая түхэриг һомологдохо аад, бодото дээрээ 16 сая түхэриг энэ жэлдэ үгтөөд байна. Тэрээн дээрэ хизаарай болон муниципалитедүүдэй бюджедүүдһээ мүнгэн нэмэгдэхэ ёһотой. Байгша ондо Забайкалиин хизаарай 13 хото тосхон болбосон түхэлтэй болохоёо субсидинуудта хүртэһэн байна. Тодорхойлходо, Жирекен, Первомайский, Шерловая Гора, Кокуй, Сретенск, Вершино-Дарасунский, Новопавловка, Краснокаменск, Шэтэ, Чернышевск, Могоча нютагууд болоно. Түһөө түсэб бэелүүлгэ хоёр янзада: ниитэ дэбисхэр (общественные территории) ба гэр байрануудай хоорондын талмайнууд (внутридомовые площадки) гэжэ хубаарилагдана.

Агын тойрогһоо Ага ба Шэнэ Орловск тосхонгууд энэ түһөө түсэбтэ ороһон байна. Ага тосхондо «Северный» микрорайо1076 - ной талмай болбосон түхэлтэй болоо. Хори гаран жэлдэ хотоной талмай дээрэ ямаршье ажал хэгдээгүй байһан. Тойроод худалдаа наймаанай газарнууд, гүрэнэй эмхи зургаануудай байшангууд оршодог гэжэ мэдээжэ. Авто-унаануудай ябаха харгы муу, хонхор ёнхор газарнууд – иимэ байдал үзэгдэдэг байгаа. Мүнөө һэльбэн шэнэлэлгын ажалай һүүлээр талмай танигдахаар бэшэ болоо бшуу. Талмай асфальтаар хушагдаа, жолоошодой ба эрэмдэг зоной авто-унаагаа табиха һууринууд, амаржа һууха һандалинууд, сэсэг ургамалнуудые тариха газарнууд г.м. булангууд тротуарна бордюрнуудаар хүреэлэгдээ, нобшо хаядаг контейнернүүд түхеэрэгдээ. Хизаарай бюджедһээ 9 сая гаран, тосхоной 180 мянган түхэриг һомологдоһон байна. Энэ хэрэгтэ талмай шадар ажалладаг эмхи зургаанууд, аралжаа наймаа хэдэг олзын хэрэг эрхилэгшэд ехэ туһа хүргөө. «Северный» талмай болбосон түхэлтэй болголгын хүдэлмэринүүдэй түһөө түсэб «Ага проект» гэһэн эмхи бэлдэһэн байгаа. Гол ажалыень «Сириус» подрядна эмхи ябуулһан байха юм.

 

Дэлгэрэнгыгээр 42-дохи дугаарта.

You have no rights to post comments