Анха түрүүн 2016 ондо түүхын багша, тьютор Татьяна Горлова, ОБЖ-гай багша Батор Чимитов болон 8-дахи ангиин классай хүтэлбэрилэгшэ Наталья Горлова гэгшэд кадедүүдэй класс байгуулһан түүхэтэй. Харин 2017 оной намарһаа бүхы Росси дотор юнармиин хүдэлөөнэй хүгжэлтэ абажа эхилхэдэ, кадедүүд энэ хүдэлөөндэ оролсоо.
   Мүнөөдэрэй байдалаар, «Боец» отрядай гэшүүд хизаарай, бүхэроссиин хэмжээндэ олон тоото амжалта илалтануудые туйлаад байна бшуу. Отрядай координатор Татьяна Ивановна Горлова бүхы аймагайнгаа юнармиин штабай дарга болонхой.
   Һургуулиин захирал Цырендулма Батоцыреновна Балдановагай тэмдэглэһээр, юнармейцүүд һургуулияа холо ойгуур суурхуулна, үхибүүд журамтай болоно, хэмжээ ябуулгануудта эдэбхитэйгээр хабаадана, һуралсалдаашье оролдоно.

You have no rights to post comments