«Этнографический сувенир» янзада Ага тосхоной Дулма Балдановагай хүүхэлдэй-шкатулканууд 1-дэхи шатын дипломоор шагнагдаа. Энэл янзада Дулдаргын аймагай Саяна Дориевагай буряад хүүхэлдэйнүүдэй суглуулбари 3-дахи шатын дипломдо хүртэһэн байна. Гадна «Кочевник» гэһэн эмхиин («ИП Балданова») гастрономическа бэлэг – борсо 2-дохи шатын дипломоор шагнагдаа.
Саранск хотодо конкурсын финалда 170 гаран компаниин болон 45 регионой уран гартанай 400 гаран бүтээл табигдаһан байна. Конкурсын экспертнэ зүблэл тэдэнэй 634 ажал дээгүүр сэгнээ.
Бүхэроссиин «Туристический сувенир» конкурс аяншалгаар федеральна агентствын дэмжэлтэ доро үнгэргэгдөө. Мүнөө жэл региональна болон федеральна тойрогой конкурснуудта Россиин 66 регионһоо 2 мянга гаран мэдүүлгэ ороһон байна.
Н.ЖАМБАЛОВА.
