Агын тойрогой Захиргаанай эмхидхэһэн «Наше кино» гэһэн тойрогой түрүүшын конкурсдо эдэбхитэйгээр хабаадаһан залуушуул зохёохы ехэ эрмэлзэлтэй урагшаа дабшанад.

 Һүдэнтын дунда һургуулиин номой сангай мэргэжэлтэн Цыпылма Цыренжаповна Махазагдаева 2003 онһоо “Школьное телевидение” гэһэн кружок ябуулна. Мүнѳѳ энэ кружогто 20-ёод үхибүүд ябадаг юм. Тэдэнэй тоодо 9-дэхи ангиин Марина Санжаева 5-дахи жэлээ дуратайгаар ябана. “Кружогой байгуулагдаһаар, дүрбэн жэл болобо. Эдэ жэлнүүд соо бидэ хэдэн баримтата кинонуудые буулгажа гаргаһан байнабди. Марина эрдэмэй-практическа конференцидэ Һүдэнтэ нютагһаа гарбалтай, байгаали шэнжэлдэг эрдэмэй доктор, профессор, академик Баир Бадмабазарович Намсараев тухай шэнжэлэлгын ажал ябуулжа, тэрэнээ амжалтатайгаар хамгаалһан юм. Тэндэһээ уламжалан, Баир Намсараев тухай «Нам есть кем гордиться» гэһэн баримтата кино буулгаха гэжэ шиидээ”, - гээд Цыпылма Махазагдаева тэмдэглэбэ. “Мэдээжэ эрдэмтэн Баир Намсараевай ажабайдал тухай кино буулгахада, намда ехэ һонирхолтой байгаа. Баир Бадмабазарович ургажа ябаһан залуушуулда – маанадта жэшээ боложо, сэдьхэлдэмнай омогорхол түрүүлнэ», - гээд Марина хэлэнэ һэн. Марина Санжаева конкурсдо эдэбхитэй хабаадаһанай түлѳѳ дипломоор ба гарай бэлэгээр шагнагдаа.

Сахюуртын дунда һургуулида номдоо бэрхэ, урагшаа һанаатай һурагшад олон юм.

 

Дэлгэрэнгыгээр 13-дахи дугаарта.

You have no rights to post comments