Мүнѳѳнэй эрдэмтэд олон зуугаад шэнжэлэлгэнүүдые ябуулжа, шара тоһон ехэ гайхамшагта, таабарита ба ёһото эди шэдитэй эдеэн гэжэ нээлтэ хэһэн:
• шара тоһон «Е» витаминаар баян һэн тула хүнэй бэеын хүгшэрхые аалидхажа, шэнэ клеткэнүүдэй бии болоходо туһатай;
• иммунитет шангадхажа, халдабарита ба даараһанай үбшэнгүүдһээ аршалдаг;
• эльгэндэ огто хоро үзүүл-дэггүй байхаһаа гадна тэрэ хүнэй бэеые хамаг хорото муухай зүйлнүүдһээ сэбэрлэхэдэнь, туһаламжа үзүүлдэг;
• хүнэй бэедэ хүсэ шадал оруулдаг:
• нарин гэдэһэнэй «ажал» һайжаруулдаг, шара бусалхаһаа, хии дүүрэхэһээ, санхаһаа эдэгээдэг;
• нервын системэ бүхэжүүлдэг, сухалда дарагдахаһаа, сэдь-хэлэй үбшэнгүүдһээ аршалха аргатай;
• толгойн мигрень болон бусад үбшэнгүүдые буураадаг;
• уураг тархида ехэ туһатай, хадууса һайжаруулжа, ухаа хурсадхадаг;
• шэхэ руу дуһаахада, шэхэнэй үбшэнгүүдые эдэгээдэг;
• бүридэлдэнь ородог ехэ «А» витаминай ашаар хүнэй нюдэнэй хараса һайжаруулдаг ба бусад нюдэнэй үбшэнгүүдһээ һэргылдэг;
• яра шархануудые болон хабдарнуудые һалгадаг;
• эдеэндэ муу хүнүүдэй аппетит һайжаруулдаг;
• шара тоһон (илангаяа эфирнэ тоһоной нэмэлтэтэй) хүнэй бэеын үбшэнгүүдые эльбэжэ, гэмтэһэниие барижа аргалхада, эгээл эрхим туһатай тоһон гэжэ элирүүлэгдэһэн.
• үшѳѳ, эгээл гайхалтайнь, шара тоһон бусад тоһонуудһаа онсо илгаржа, хүнэй бэеын холестерин дээшэнь бодхоохогүй байхаһаа гадна тэдэниие шуһан сооһоо гаргажа сэбэрлэдэг! Тиигэжэ атеросклерозһоо, инфаркт болон инсультһаа аршалха аргатай элшэ хүсэтэй юм.
• шара тоһон – наранай элшэ хүсэтэй тоһон. Тиимэһээ илангаяа бүһэтэйшүүлдэ туһатай, тэдэнэй бэлгэ махабадай үбшэнгүүдые эрхимээр сарадаг;
• эхэнэрнүүдтэшье ехэ туһатай гэжэ тоосоогүй;
• шара тоһонтой холижо ууһан, эдиһэн, бэедээ түрхиһэн ямаршье эм домто зүйлнүүд оло дахин хүсэтэйгѳѳр нүлѳѳ үзүүлдэг;
• һайн шанарай шара тоһо түрхижэ, үе мүсын, радикулит, остеохондроз, артрит, арһанай үбшэнгүүдые аргалдаг.
• даараһанай үбшэнгүүдэй эхиндэнь шара тоһо хамар руугаа дуһаажа, үбсүүндээ ба хүлэйнгѳѳ улада түрхеэд, дулаанаар хушаад хэбтэхэ хэрэгтэй.
• мигрень болон эсэһэн сусаһанһаа шалтагтай тархиин үбшэнгүүдые һаншагта, альгандаа ба хүлэйнгѳѳ улада түрхижэ эдэгээдэг.
Бэеынгээ иммунитет бүхэжүүлхын тулада үглѳѳ бүри үлэн бэедээ шара тоһо зүгын балтай, хатааһан фруктнуудтай, корица, кардамон, шафран, шэхэр, фенхель, грецкэ ба хушын һамарнуудтай, миндальтай хамта эдижэ байхада туһатай. Тиигээд үглѳѳгүүр бэшэ юумэ эдингүй байхань шухала.
0,5-1 бага халбага шара тоһо бүхы бэедээ үргэлжэ түрхижэ байхада, ехэ һайн нүлѳѳ үзүүлдэг. Али гэбэл үдэшэ бүри халта бүлеэн шара тоһо гарнуудтаа ба хүлнүүдтээ түрхеэд унтахада, ехэ һайн гэжэ түбэдэй эмшэд хэлэнэ.
• шара тоһон наранай, галай элшэ хүсэтэй зүйл һэн тула хүйтэнэй үедэ газааһаашье, досооһоошье дулаасуулха аргатай, даараһанай үбшэнгүүдые сарахада туһатай.
• шара тоһон дээрэ эдеэ шарахада, нари үбшэнэй шалтаг – бэедэ хоротой канцерогенүүд бии болодоггүй. Yшѳѳ зѳѳхэйн тоһон соохи лактозын шара тоһоной бүридэлдэ үгы һэн тула һүнэй эдеэндэ таарадаггүй хүнүүд ядамаргүй хэрэглэхэ аргатай.
Дээрэ хэлэгдэһэн зүбшѳѳлнүүд мүнѳѳнэй наймаада дурадхагдадаг элдэб холисотой шара тоһондо хабаатай бэшэ. Гансал үнеэнэй һүѳѳр үйлэдэһэн, тон сэбэр, эрхим шанарай бүридэлтэй шара тоһон туһалдаг.

You have no rights to post comments