Нэн түрүүн, эбдэрхэй часы гэртээ байлгахань огто хорюултай. Гэнтэ тогтошоhон часы аза талаан үлдэдэг.
Часы хододоо тон зүб саг харуулха ёhотой. Нэгэ гэр соо байhан хэдэн часы хододоо нэгэ адли саг харуулха ёhотой. Хэрбэеэ ондо ондоо сагуудые харуулдаг hаань, гэрэй эзэд хоорондоо эбгүй, химаралдаан, хэрэлдээн тогтодог. Хододоо үлэжэ, үрдижэ ядадаг байха.
Часы бэлэглэхэнь хорюултай. Хэрбэеэ бэлэг абаха баатай болобол, бэлэглэhэн хүнһөө заабол хашарhа мүнгэ эрижэ, «худалдаха» хэрэгтэй.
Yхибүүдтэй болохо хүсэлтэй хүнүүдтэ гэрэйнгээ баруун талада часы үлгөөд байхада туhатай. Мүн лэ ондоо ажалтай болохоо зорибол, баруун талада часыгаа байлгаха хэрэгтэй. Аяншалха дуратайшуул баруун хойто талада үлгэгты.
Гэрэй урда талада гурбалжан ба дүрбэлжэн түхэлтэй часы үлгөөд байхада hайн. Тиигээд тэдэ ногоон үнгэтэй модоор хэгдэhэн hаа, бүри hайн.
Амгалан тэнюун байдалтай байхын тулада гэрэйнгээ зүүн зүгтэ түхэреэн түхэлтэй часы үлгэдэг. Yнгэнь – хүхэ улаан, али гэбэл хүхэ.
Эд зөөри татахын тула часы зүүн урда зүгтэ табидаг. Эндэ табяатай часы гэнтэ лотерейгээр горитой мүнгэ шүүхэдэ туhалдаг.
Харин инаг дура уряалхын тулада баруун урда зүгтэ ягаа улаан, улаан шара үнгэнүүдтэй часы туhатай.
Зүүн хойто зүгтэ байһан часы сэсэн ухаатай шиидхэбэри-нүүдые абахада, hайн нүлөө үзүүлдэг гэдэг.

You have no rights to post comments