Орловскмнай
Холын харгыһаа бусахадаа,
Орловскын ута дабаа дабаад,
Түрэл тосхоноо ороходоо,
Тэниидэг лэ сэдьхэлнай одоо.
Олон зоноо үргэн харадаг,
Үндэр сагаан субаргатай юм.
Омог дорюун түүхэтэй
Омогорхол ехэтэй Орловскмнай.
Оршон тойрондоо суутай
Орловскын һургуули дүүргэһэн
Олон түмэн хүүгэднай
Урагшатай һайхан ябадаг лэ.
Утын харгыда гараад,
Һургуули һудар хэхэдээ,
Ажал хүдэлмэридэ ябахадаа,
Түрэл һайхан нютагаа
Түүрээн һанан ябаарайт.
Ага-Хангилни
Аглаг һайхан Ага-Хангилни -
Эхэһээ мүндэлһэн нютагни.
«А», «Б» шудалан, үзэгтэ һураһан,
Ага-Хангилай һургуулимни.
Аргаахан миралтан урдадаг,
Арадтаа суутай Агын голни.
Бурьялан гарадаг аршаантай,
Баян дэлгэр Хилгэндэмни.
Үльдиргынгөө хүүргэ үнгэрөөд,
Үргэн талада гарахадаа,
Үхибүүн наһам һанагдаад,
Улаанхан зүрхыем уяруулна.
Хулинда, Жэбхээһэн голнуудтай,
Холуур суурхадаг арад зотой,
Хүлөө шоройдоһон дайдамни –
Хангай һайхан Ага-Хангилни.
Манай нютаг
Үндэр толгой - Согто Ууламнай,
Үгсүүгээр харагдадаг Даши Дондог обоо,
Шабартайхан талада - Үдын обоо,
Шобойн харагдадаг Шулуун хадамнай.
Үргэлжэ сэдьхэлыем татадаг
Үргэн һайхан Үбжэеэмнай.
Ажалша малша зоноороо
Алдаршаһан һайхан нютагнай.
Сайдам уһатай Сагаан нууртай,
Сэнхирхэн номин Хялын голтой,
Сэсэг ногоогоор анхилһан
Сэлгеэн уужам дайдамнай.
Гургалдай шубуудай жэргэхэдэ,
Гурбалжан Үбжэеэм зэдэлнэл.
Хүхы шубуунай донгодоходо,
Хонгёохон Үбжэеэм ханхинанал.
Тала дайдыемнай бүрхөөдэг
Тобирхон тарган малнай.
Аглаг талаараа долгилдог
Алтан шаргал таряамнай.
