Дулдаргын аймагай уран дархашуул, зураашад, оёдолшод 2016 оной июль һарада Улаан-Үдэ хотодо үнгэргэгдэһэн Бүгэдэ буряадай «Алтаргана» фестивалиин үзэсхэлэндэ урагшатай, һайн хабаадажа, нютагаа бусаа һэн.
Б. Цыренжапов (зүүн талаһаа), Н. ба Б. Ракшаевтан, С. Будажапова, Ц. Степанова, Т. Дамдинова.
Тэдэнэй ажалыень бүридхэдэг, эмхидхэдэг харюусалгата хүниие нэрлэбэл, Дулдаргын нютаг ороноо шэнжэлэлгын музейн директор, Агын Буряадай автономито тойрогой соёлой габьяата хүдэлмэрилэгшэ Сэсэгма Будажапова гээшэ. Тэрэ 2002 онһоо нютагайнгаа талаан бэлигтэй урашуулые ударидажа, «Алтаргана» фестивалиин үзэсхэлэндэ эдэбхитэйгээр хабаададаг. Музейдэ элдэб уулзалга, урашуулай һуралсал, мастер-классууд үнгэргэгдэдэг заншалтай. Ажалай ветеран Сэсэгма Дугаржаповна 2014 ондо «Забайкалиин хизаарай музейн эрхим хүдэлмэрилэгшэ» гэһэн нэрэ зэргэдэ хүртөө һэн.
Мүнөө Сэсэгма Будажаповагай манай редакциин хаягаар эльгээһэн арадай урашуул тухай бэшэг дурадханабди. Сэсэгма Дугаржаповна иигэжэ бэшээ: «Бүгэдэ буряадай «Алтаргана» фестивалиин гол зорилго дүүргэжэ, соёлой, тамирай, уран урлалай, шүлэг дуунай харалгануудта хабаадахадаа, тусхайлбал, олоной омогорхол болоһон урашуулай һайхан ажалнуудые харуулхадаа, сэдьхэлнай баяртай байдаг. Аймагтамнай уран бэлигтэй зон олон. Тэдэниие дэмжэхэ, урмашуулха, ажалыень дэлгэрүүлхэ гээшэ шухала юм.
Дэлгэрэнгыгээр 46-дахи дугаарта.
