Үнгэрэгшэ 2019 ондо Үбэр байгалай хизарай уран һайханай гимнастикын чемпионадта, Агын тамирай һургуулиин хүмүүжүүлэгшэд бүлгэмөөрөө иллажа гараад, Алас дурнын Федеральна тойрогой мүрысөөндэ хабаадаха эрхэтэй болоһон байна. Мүнөө жэлэй январь һарада Южно-Сахалинск хотодо үнгэрһэн ехэ мүрысөөндэ тамирай мастерта кандидадай норматив хэһэн байнад.
Июлиин 29-дэ Үбэрбайгалай хизаарай тамирай яаманай захиралтаар Дашицыренова Эмина, Ванзаракшаева Даяна, Тангатова Сарюна, Шугаева Арюна, Люфан Софья, Цыденова Наран - зургаан басгадуудта тамирай мастерай кандидат гэһэн разряд үгтэһэн юм.
Энээнһэй урда Александра Тагарова баһал тиимэ нэрэ зэргэдэ хүртэһэн байна.
Эдир тамиршадта баярые хүргэе.
