- Манай элитэ hур харбагша Инна Степановада баярые хүргэхэ дуран хүрэнэ, - гээд президент онсо тэмдэглэhэн байна. - Тэрэнэй Олимпиадада шүүhэн мүнгэн медаль лукодром барилгада ехэ нүлөө үзүүлээ. Илалтын үндэр дүнгүүдые харуулха аргатай тамиршадтай байhанай ашаар барилгын мүнгэнэй hомололго урагшатайгаар шиидхэгдэжэ, тус проект бэелүүлэгдэжэ эхилhэн байна.

Лукодромой 10 мянган дүрбэлжэн метрэй дэбисхэр дээрэ тамиршадай hорилгын, зоной амаралгын ба сэнгэлгын, ногоон ургамалай, авто-унаагай г.м. талмайнууд түхеэрэгдэхэ. Тэрэнэй 5 мянган дүрбэлжэн метрэй хэмжээнэй гол байшанай нэгэдэхи дабхарта hур харбалгын танхим, гардероб, душ, туалет, буфет г.м. байрлаха. Харин хоёрдохи дабхартань - тренажёрно заал, гурбадахидань – конференц-заал түсэблэгдэhэн. Эндэ тамиршад жэлэй дүрбэн сагта бэеэ hорихо юм.

Уласхоорондын ехэ мүрысөөнүүдэй түбэй барилга 2020 оной сентябрь hарада түгэсэхөөр хараалагдана.

You have no rights to post comments