Мүнөөдэр Агын 2-дохи дунда һургуулида терроризмтай тэмсэлгын уряа доро митинг үнгэрбэ.

Митингын түгэсхэлдэ Беслан хотодо болоһон террактда наһа бараһан Дарима Аликова-Базаровагай дурасхаалай самбарта сэсэгүүд табигдаа. 

Һануулхада, 2004 оной сентябриин 1-дэ Беслан хотын 1-дэхи һургуулида Эрдэм мэдэсын үдэрэй хэмжээ ябуулгын болохо сагта террористнууд 1100 гаран хүүгэд, багшанар болон хүүгэдэй гэртэхиниие баряанда абажа, гурбан үдэр эдеэ уһагүйгөөр байлгаһан юм. Сентябриин 3-да һургуулиин тамирай зал соо тэһэрхэдэнь, ФСБ-гэй албатад добтолгодо ороо һэн. Википедиин баримтануудаар, бүхыдөө 333 хүн, тэдэнэй тоодо 186 һурагшад, 111  гэртэхин, 17 багшанар хосорһон. Багшанарай тоодо манай нютаг басаган Дарима Аликова-Базарова энэ дэлхэйтэеэ хахасаһан байна.

Манай гүрэндэ 2005 онһоо сентябриин 3 терроризмтай тэмсэлгын үдэр гэжэ соносхогдоһон.

 

You have no rights to post comments