Тосхоной арба гаран мянган ажаһуугшадай урманда социальна удха шанартай байшангууд һэльбэн шэнэлэгдэнэ, харгы заһабарилагдана, аятай зохид булангууд түхеэрэгдэнэ. Мүнөө зундаа гүрэнэй үндэһэн программанууд бэелүүлэгдэжэ, барилгын хүдэлмэринүүд үргэнөөр ябуулагдана, тосхоной шэг шарай улам һайжарна бшуу. Тосхоной түб газарта, Зугалайская гудамжаар болбосон түхэлтэй сквер зохёогдожо байна. «Могойтын барилгын компани» гэһэн нээмэл бүлгэм (даргань - Этигэл Балданов) июль һарада ажал эхилжэ, бригадатаяа талмайн дэбисхэр сэбэрлэжэ, газар жэгдэлжэ, тротуарна брусчаткануудые дэбдинэ. Түлэблэлтэйнь танилсахада, тосхоной түб газарта авто-унаануудай зогсодог газар, зоной амарха, залуушуулай сүлөө сагаа үнгэргэхэ, багашуулай сэнгэхэ булангууд бэлдэгдэнэ юм. Тодорхойгоор "Толон" һониной № 29 дугаарта уншахаар байха.

You have no rights to post comments