«По дорогам войны» гээд нэрлэгдэһэн энэ хүшөө Илалтын парк соо 2017 оной майн 5-да нээгдэһэн байна. Иигэжэ Эсэгэ ороноо хамгаалгын дайнда манай гүрэнэй фашис булимтарагшадтай тэмсэлдэ Монгол ороной оруулһан сэгнэшэгүй хубита мүнхэлэгдөө бшуу.

Энэ хүшөө монгол арад зон Агуу Илалтын 72 жэлэй ойгоор дашарамдуулан бэлэг болгоһон түүхэтэй. Хүшөөгэй авторнууд – монгол уран барималша Аюурзана Очирболд ба ород архитекторнүүд Алексей Тихонов Василий Перфильев хоёр юм.

Шэнжэлэн харахада, ямар һүрөөтэй хүшөө гээшэб! Харгыгүй, шабар шабхаг газараар монгол морид томо буу шэрэнэ. Ямар хүндэ ажал бэ! Теэд... эдэ моридгүй һаа, томо буу, һомонуудые сэрэгшэд яагаад шэрэхэ һэм? Илангаяа дайнай эхиндэ морид лэ гол унаа байгаа ха юм...

You have no rights to post comments