Алташа мүнгэшэ дархашуултай Лахор хотодо хармаан һуулидаг хулгайшан ажаһуудаг байгаа. Тэрэ нэгэ хүнэй гоё һайхан, удаан хүлеэһэн үнэтэ эрдэни шулуу худалдажа абахыень хараба. Тиигээд тэрэ эрдэни шулуу абаһан хүниие дахаба ха. Поезддо һуухадань, баһал һууба, хоюулаа нэгэ купедэ тудаба. Тэрэ хүнэйнгөө купеһээ гарахада, хулгайшан бүхыень һуулиба. Унтахадань, хулгайшан баһал бэдэрэлгэеэ үргэлжэлүүлээ, теэд ямаршье амжалтагүй.
Поезд Мадрас ерэбэ, эрдэни шулуу абагша хүнэй буухада, хулгайшан дүтэлѳѳд хэлэбэ:
- Хүлисэгты, би хармаанай хулгайн мэргэжэлтэнби. Бүхы арга боломжоёо туршааб, харин үнэтэ шулууетнай олоогүйб. Та ерэхэ газартаа ерэбэт, танда бэшэ һаалта хэхэгүйб. Зүгөөр һурангүй аргагүйб: Эрдэни шулуугаа хаана хадагалаабта?
Тэрэ хүн харюусаба:
- Эрдэни шулуу абажа байхадамни, шамайе адаглажа байна гэжэ хараа һэм. Поезд соо һуухадаш, үнэтэ шулууем агнана хадаа гэжэ тухайлаад, шулуугаа хаанашье нюухаяа ойлгожо ядааб, һүүлэй һүүлдэ хармаан соошни хадагалаа һэм.
Бэдэрһэн эрдэни шулууншни - хажуудаш. Харин ши Бурхан багшын хармаан соо бэдэрнэш. Ухаан бодолойнгоо хармаануудые бултыень һэгсэрэ. Өөр соогоол бэдэрхэ байгааш.
