Байгалай «ихтиандрнууд»
1982 ондо Байгалай баруун эрьедэ Забайкалиин сэрэгэй тойрогой водолазуудай hуралсал болоhон юм. Ээлжээтэ шунгалгынгаа үедэ водолазууд 100-гаад метрэй гүнзэгыдэ урдань хаанашье үзэгдөөгүй, жэгтэй hонин түхэлтэй амитадтай уулзаhан байна. Хүндэ адли түхэлтэйнүүд аад, 3 метр тухай утанууд, уhан доро амилалгын ямаршье аппарадгүй байжа гайхуулаа. Тэдэнэр бэенүүдтэнь бүхөөр няалдажа hууhан костюмуудтай ба толгойнуудтаа мүнгэлмэл ялагар аад, монсогор шаарнууд мэтэ түхэлэй шлемүүдтэй hэн гэжэ хэлэгдэнэ. Айхабтар түргөөр тамардаг тэдэ амитад хүнүүдэй хойноhоо анхаралтайгаар адаглана гэжэ эли байгаа.
Сэрэгэй водолазууд губшуур хэрэглэжэ, тэдэнэй нэгые бариха hэдэлгэ хэhэн ушартай. Теэд ямаршьеб танигдаагүй хүсэнэй долгёор водолазууд дээшээ, нуурай нюрууда шэдэгдэшэhэн гэдэг.
Саашадаа найман водолазуудай табаниинь үбшэлжэ, эрэмдэг болоо, гурбаниинь наhа бараhан.
