Түрэлхи хэлэ зааха аргануудай нэгэн - аман зохёолдо үндэһэлжэ бэшэгдэһэн зохёолнуудые хэрэглэлгэ ороно. Сессидэ хабаадагшадые амаршалһан Агын Буряадай тойрогой Захиргаанай хүтэлбэрилэгшэ Буянто Батомункуевай хэлэһээр, захиргаанай ажаябуулгын шухала шэглэлнүүдэй нэгэн арадай соёл хүгжөөлгэ болоно гэжэ тэмдэглээ. Түрэлхи хэлэ шудалалгада хүн бүхэнэй оролдолго хэрэгтэй, энэ ажалда гэр бүлын нүлөөн ехэ гэжэ тэрэ тэмдэглээ.
Саха-Яхад Уласта һүүлэй үедэ «Олонхо» үльгэр түүрээлгэ дэмжэлтэ ба хүгжэлтэ абана гэжэ Арктическа уран урлалай болон соёлой институдай художественно соёлой кафедрые даагша Зоя Стрекаловская тэмдэглээ. Тэрэнэй хэлэһээр, «Олонхын» геройнууд Саха-Яхадай бренднүүд (худалдаа-най тэмдэг) боложо, ехээр дэлгэрнэ, харин залуу яхадууд «Олонхын» баатарнуудай зан абари дээрэ хүмүүжүүлэгдэнэ.
Үбэр Монголой айлшад тү-рэлхи хэлэеэ зандань үлөөхэ орёо асуудалаар элидхээ. Харбинай университедэй багша Ганзориг Ичинхорлоо мас-тер-класс харуулаа. Мүнөө Үбэр Байгалда 6 сая монголнууд ажаһууна, харин Монгол гүрэндэ – 3 сая шахуу. Хитадай дунда халха-монгол хэлэеэ алдангүй байха зорилготойгоор программа абтажа, хүүгэдэй сэсэрлигүүдһээ эхилээд, ажал ябуулагдадаг юм.
Мэргэжэл дээшэлүүлгын институдай ахалагша методист Елена Намжиловагай элидхэл һонирхолтой байгаа. Эдир залуушуулые үндэһэн соёлоо сэгнэжэ һурахыень хүмүүжүүлгэдэ буряад арадай үльгэрнүүдэй дүрэнүүд өөрын һуури эзэлхэ эрхэтэй.
Хэмжээ ябуулгын дүн тата-хадаа, үльгэр домогуудай геройнуудые худалдаанай тэмдэг (брендирование) болгоһон жэшээнүүд дээрэ түрэлхи хэлэеэ үзэлгэ хадаа һуралсалда ба хүмүүжэлдэ ехэ нүлөө үзүүл-хээр байна гэжэ Буянто Батомункуев хэлэбэ. Тиимэһээ тойрогой Захиргаанай талаһаа мүнгэн сангай болон методичес-ка туһаламжа үзүүлэгдэдэг. Айлшадай мастер-классууд буряад хэлэнэй багшанарай дүршэлдэ нэмэри боложо үгөө ёһотой.

You have no rights to post comments