Харин 9-дэхи, 11-дэхи ангиин һурагшад майн 30 болотор һуража, июниин 1-һээ гүрэнэй шалгалтануудта бэлдэжэ эхилхэ юм. Гүрэнэй шалгалтанууд июниин 8-һаа июлиин 10 болотор үнгэргэгдэхэ түсэбтэй. Гүрэнэй шалгалтануудай дүнгүүдэй лаб элирһэн хойно «За особые успехи в учении», «За особые успехи в учении «Гордость Забайкалья» гэһэн медаляар шагнаха үйлэ хэрэг эмхидхэгдэхэ бшуу.
Һануулая, Агын Буряадай тойрогой 717 түгэсхэгшэд ба 9-дэхи анги дүүргэжэ байһан 1068 һурагшад һуралсалайнгаа жэл хаахань. Мүн коронавирус үбшэнэй һүжэрһэн ушараар элдэб хэмжээ ябуулгануудай хизаарлагдаһан тула һүүлшын хонходо зорюулагдаһан линейкэнүүд болохогүй. Һуралсалай жэлэй дүнгүүдые татаха һургуулиин хэмжээнэй линейкэнүүд үсөөн зотойгоор үнгэргэгдэхөөр хараалагдана.
