Ойн зүргөөр
Урагшаа алхалан ябатараа
Хүнгэрэг саһан дээрэ
Уляангирай шэлбүүһэ обёорбоб.
Альган дээрээ абажа,
Дулаасуулан эльбэжэ,
Аминай халуу эльгээбэб,
Эхын хайраар
Элшэ дулаагаа түхөөбэб.
Альганай дулаанһаа,
Аминай халуунһаа
Хүйтэн сэбдэг
Хүрэһэн эшэ гэдэжэ,
Уян нугархай
Эшэ һалаань амилжа,
Эртын хабарай
Хоншуухан дабирхайн
Һайхан хангал тараа бэлэй.
Хүн бүхэндэ,
Амитан бүхэндэ
Альганай шэнээхэншье һаа,
Анхарал хэрэгтэй.
