Нэгэтэ бурхад суглараад, зугаалха гэжэ бодобо.
Тэдэнэй нэгэн хэлэбэ:
- Хүн зонhоо нэгэ юумыень буляажа абая.
Тэдэнэр удаан бодомжолhоной hүүлээр зонhоо жаргалыень абаха гэжэ шиидэбэ. Зүгѳѳр тэрэнээ хаана хадагалхабибди гэлсэбэ.
Түрүүшынхинь хэлэбэ:
- Дэлхэйн тон үндэр хадын оройдо нюухамнай гү?
- Үгы, хүнүүд хүсэтэй, хэн бэ даа дээшээ гаража олоод, бэшэниинь тэрэ дороо жаргалай хаана байhые мэдэхэ, - гэлдэбэ.
- Тиигээ hаа далайн оёорто нюуя!
- Үгы, бү марта, хүнүүд hонюуша, хэн бэ даа уhан доогуур тамарха хэрэгсэл зохёожо, тэдэ заалhаа жаргал олохо.
- Газар дэлхэйhээ холо, ондоо планетэдэ нюуя, - гэжэ хэн бэ даа дурадхаба.
- Үгы, тэдээндэ яhала ухаа үгѳѳбди гэжэ hана, хэдыдэб даа тэдэ замби түбеэр аяншалха онгосо зохёожо, энэ планетэ нээхэдээ, жаргал олохо.
Бүхы хѳѳрэлдѳѳнэй үедэ абяагүй байhан тон наhатай бурхан хэлэбэ:
- Жаргал хаана нюухаяа мэдэнэб гэжэ hананаб.
- Хаана?
- Хүнүүдэй ѳѳhэдынь досоо нюухабди, тэдэ ехэ сүлѳѳ забдагүйгѳѳр хаа-хаанагүй жаргалаа бэдэрхэ, досоогоо бэдэрхэ бодол тэдээндэ ерэхэгүй.
Бүхы бурхад зүбшѳѳбэ, тэрэ гэhээр хүнүүд жаргал досоомнай байна гэжэ мэдэнгүй, бүхы наhаяа тэрэниие бэдэрэлгэдэ hалгадаг.
www.liveinternet.ru сайтһаа.
Дэлгэрэнгыгээр 12-дохи дугаарта.