Шүдэнэй аргашан ажалай таһалгаһаа гаража, ехэл бодолгото болонги, сухалтай урагша хойшоо алхална. Медсестра дүтэлжэ:
- Юун болооб? Хүндэ ушар гү?
- Ехэ хүндэ! Энэ байгша хүн обоо мүнгэтэй аад, бүхы шүдэниинь элүүр…

Хүршэ Володя нилээд удаахан сагта хатуу харые барижа, бэеынгээ муу болоходо, эмнэлгын газар руу ерээд, эмшэндэ хандана:
- Эмшэн, хэлэгты, намда архи үшөө ууха найдал бии гү?
- Найдал бии, харин спиртэмнай дууһашоо.

Загдын аба – рекламна агентствын хүтэлбэрилэгшэ.
Нэгэтэ Загда түрүүшынхеэ һолонго хараад һураба:
- Аба, энэ зураг ямар юумэнэй реклама бэ?

Хүүгэдэй сэсэрлигтэ багшань багашуулһаа ямар мэргэ-жэлтэн болохобта гэжэ һонирхобо.
- Би багша, - гэбэ Дулма.
- Би эмшэн, - гэбэ Балдан.
Будын барилгашан болохоб гэхэдэнь, багшань юундэ гэжэ һураба.
- Томо болоходоо, нэн түрүүн, углуугүйгөөр гэр барихаб. Углуутай гэр хэрэггүй. Үдэр бүри углууда зогсохонь залхуутай.

You have no rights to post comments