Мүшэдэй архиин үүлэн
Астрономууд юртэмсэ түбиин гүн үндэртэ - Тэнгэриин Оёдол (Млечный Путь) гэhэн мүшэдэй аймагта - спиртhээ бүридэhэн асари томо үүлэ оложо, шэн-жэлhэн байна. Тэрэ Тэнгэриин Оёдолдо бусад олон «хүгшэн» ододой  аймагуудhаа илгарма, үргэлжэ шэнэ мүшэд түрэн бии болоhоор зандаа. Тэрэ спиртын үүлэнүүд гол мүшэеэ тойроод эрьелдэжэ, үе-үе болоод, дээрэнь гал сахилзадаг.
Хаанаhаа тэрэ юртэмсын орьёлдо архиин үүлэн бии болоод, зайжа ябана гээшэб? Эрдэмтэдэй хэлэhээр, дээдэ түбидэ таhалдангүй элдэб янзын химическэ реакцинууд боложо байдаг. Тиимэhээ  водород, углерод, кислород гэhэн юрын зүйлнүүдhээ бүридэhэн спиртын үүлэнэй тэндэ бии болоhониинь гайхалгүй.    
                                 
Манай бага дүүнэр – амитадай шэнжэнүүд
- Yхэрнүүд хүнүүд мэтээр нүхэсэхэ аргатай гэжэ эрдэмтэд тодорхойлоо. Хоёр эхэнэрнүүдэй нүхэсэдэг мэтэ, hүрэг соохи үнеэн бүхэн заабол дүтын «хани нүхэр» үнеэтэй байдаг. Тиигээд нэгэ-нэйнгээ ямар нэгэн шалтагаанаар гэнтэ hүрэг сооhоо үгы болошоо hаань, нүгѳѳдэнь тэрээндээ hанаагаа зободог. Уулзахадаа, бэе бэеэ долёодог.                             
- Япониин макака үүлтэрэй hармагшанууд хүнүүдэй мүнгэнэй кошелёк хулуугаад, мүнгѳѳрнь автомадуудhаа газировко абаад, уужа hураа. Айхабтар шуран hүбэлгэнѳѳр, ёhото хулгайшадтал, автомадhаа амтатай унда уужа байхыень хүнүүд гайхахаа болиhон. Yшѳѳ тэндэхи макаканууд жэлhээ жэлдэ үндэр томо боложо, хүнүүдые хүсэжэ эхилээ гэжэ тэмдэглэгдэнэ.
- Хэрмэн – эгээл эрхим саад ургуулагша. Энэ амитанай хэдэн олон газарнуудаар үрэ hамарнуудые нюужа хадагалаад мартажархиhан ушараар олон сая модод ургадаг.
- Заанай нэгэ шүдэн юhэн килограмм тухай шэгнүүртэй.
- үхэр хулганануудые гэжэгэнүүлхэдэ, хүн мэтээр энеэлдэдэг.
- Һүбэлгэн ухаатай турлаагууд - тоомоо таhарха дуратай шубууд. Нохойн ардаhаа аалихан дүтэлжэ, hүүлhээнь татаад, сошоожо наадаха дуратай. 
- Ямаад - ехээр hэхэрдэг амитад.
- Мэлхэйн эрэ эмые абяагаарнь тодорхойлдог: эрэнүүдынь – гэмэрэн янгардаг,  эмэнүүдынь – шииганадаг.
- Швецидэ туулайнуудай хоорондо hүрэлдѳѳгѳѳр мүры-сѳѳнүүд үнгэргэгдэдэг заншалтай.  Ехэл эршэмтэй халуун тулалдаанууд болодог.
- Yшѳѳ үндэгэн соогоо байхадаа шубуудай, тахяагай дальбараанууд хоорондоо ба эхэтэеэ харилсадаг гэжэ элирүүлэгдэhэн. Дальбараанууд 24 янзаар абяалжа, айhан, даараhан  г.м. тушаагаа эхэдээ мэдүүлдэг. Тэрэнь ойлгоод, шаханан хуугайзлжа байгаад эрхэлүүлдэг, номгоруулдаг.

You have no rights to post comments