Тэрэ түрүүшын 160 аяншалагшадтай самолёдhоо нэгэ үдэр урид бууhан байна. Республикын мүнөө жэлэй аяншалгын түрүүшын хаhада 1700 хүн амархаар хараалагдана.

Зарина Догузова Буряад Республикын аяншалгын газарнуудтай танилсажа, ямар аргаар хүгжөөн hэргээхэ тушаа һонирхоо. Нэн түрүүн, тэрэ «Байгалай гавань» гэhэн амаралгын газарые бүхэдэлхэйн хэмжээнэй курорт болгохо тушаа дурадхаhан байна. Тэрэнэй тула шэнэ харгынууд, байшангууд г.м. баригдаха зэргэтэй.

«Республикадатнай аяншалга үндэр хэмжээндэ хүгжөөхын тула гүрэнэй талаhаа бүхы арга шадалаараа туhаламжа үзүүлхэбди», - гэжэ Зарина Догузова найдуулаа.

Һүүлдэнь Улаан-Yдын «Ориентал Вэй» гэhэн Росси дотор нефрит шулуугаар бүтээл хэдэг ори ганса фабрикатай ошожо танилсаhан байна. Тэндэ Зарина Догузова бусад шэмэглэлнүүдэй дундаhаа сагаан нефридээр урлаhан бугааг айхабтар ехээр гоёшоогоо.

Президент Алексей Цыденов, Улаан-Yдын мэр Игорь Шутенков гэгшэд Зарина Догузоватай хамта аяншалагшадта харуулхаар Буряадай ниислэлэй түүхэтэ газарнуудые ямар аргаар хүгжөөхэ тушаа зүбшэн хэлсэбэ.

You have no rights to post comments