Окоп соо хоёр сэрэгшэд хөөрэлдэнэ:
- Иванов, юун гэжэ һанажа һуунаш? Садатараа эдеэлһэйб гэжэ гү? Али ордендо хүртэһэйб гэжэ гү?
- Ооһор хаанаһаа ололтойб гэжэ.
- Ооһороор яахашни гээшэб?
- Намда бэшэ, фюрертэ хэрэгтэй.

Хоёр немецүүд хоргодоод байна. Манай солдадууд буудана.
Немецүүдэй нэгэн хэлэнэ:
- Капитан, иимэ түсэб байна. Добтолон гараха байгаабди…
- Ганс, намайе шагна: Ши урид ошохош, би шинии түлөө үһөөеш абахаб!

Хоёр аха дүүгэй нэгэниинь дайнай үедэ полицай байгаа, нүгөөдэнь - суута партизан, Советскэ Союзай Герой. Дайнай һүүлээр полицай дүүнь һууха болзороо түрмэдэ һуужа гараад, хүдэлжэ эхилээ. Тиигээд ажабайдалынь һайжарба, тушаалай талаар эршэмтэйгээр ургаа. Партизан ахань трактористаар хүдэлһөөр зандаа. Тиигээд трактористнь дүү хүбүүнһээ һурана:
- Яагаад ши түрмэдэ һууһан аад, иимэ урагшатайгаар дэбжүүлэгдэнэбши, урганабши? Би мэдээжэ партизан аад, байдални ехэ өөдэлнэгүй.
- Анкетэ соомни: «Ахань суута партизан, Советскэ Союзай Герой» гэжэ бэшээтэй ха юм. Харин шамда юун гэжэ бэшээтэйб?

Рото добтолхоёо бэлэн, шэнэ ерэһэн нэгэ солдадай нерв һалахаяа байна гэжэ халуун шулуу долёоһон сержант ойлгобо. Тэрэ солдат хүхэ сагаан, шүдэнүүдынь хабжаганана, үбдэгүүдынь шэшэрнэ.
- Томпкин, - гэжэ сержант ооголоод, урма зоригыень бодхоохо нэгэ хэды үгэ хэлээд, - яатараа шэшэрнэбши? - гэжэ асууба.
- Намайе ерээд байна гэжэ мэдээгүй дайсанай түлөө шэшэрнэб!

- Официант, Африкада ямар хоморой хоол, деликатес байдаг юм, тиимэ юумэ захижа болохо гү?
- Уһа гү?

Хоёр эхэнэрнүүд хөөрэлдэнэ:
- Немецүүд яагаад, юундэ диилдээб гэжэ мэдэнэ гүш?
- Үбэштэйлши даа, ородуудай диилэхэдэ!

You have no rights to post comments