Авто-һургуулиин багша:
- Зай, юунэй түлөө харгын тэмдэгүүд табигдадаг бэ?
- Жолоошодой мүнгэ «һаахын» түлөө.

- Доктор, би һүни бүри хулганаануудые хаража, зүүдэ мананаб. Тэдэмни футбол наадана.
- Энэ эм унтахынгаа урда тээ уугаарайгты.
- Үглөөдэр уужа болохо гү?
- Юундэ?!
- Мүнөө үдэшэ тэдэнэй финалынь лэ!

Хара эртэ үглөөгүүр Бадма загаһа барижа байна.
Тамархаяа ерэһэн Аюр тэрээндэ дүтэлөөд:
- Уһан ямар бэ? – гэжэ һурана.
- Гоё даа! Тиигээд загаһан уһан сооһоо нэгэшье гарахаяа һананагүй.

- Хүгшэн эжы, шүдэмни унаа. Энэ шүдэеэ хайшан хэхэбиб?
- Мэдэгма, энэ шүдэеэ дэрэ дороо хэ даа, хулганаан ерэжэ, шүдыеш абаад, хашарһа орхёод ошохо.
- Хүгшэн эжы, хэрбээ хүгшэн абын хэмэл шүдэнүүдые табяа һаам, хэды мүнгэ орхихоб?

Бальжит басаган эжынгээ толгойдо нэгэ хэды сагаан үһэ хараад һурана:
- Эжы, юундэ үһэнтнай сагаан болооб?
- Бальжит, ши минии үгэ дууланагүйш, тиигээд иимэ сагаан болоно ха юм!
- Эжы, тиигээ һаа, хүгшэн эжымнай юундэ иимэ буурал сагаан бэ гэжэ намда ойлгосотой!

Багша һурагшадтаа агууехэ ухаалан зохёогшод тухай хөөрөөд һураба:
- Таанад юу зохёохоёо һананабта?
- Кнопко дарахада, гэрэй даабаринуудые дүүргэдэг робот хэхэ һэм! – гэжэ Жамбал харюусаба.
- Жамбал, ямар залхуубши!
- Харин би энэ кнопко дараха автомат зохёохо һэм! – гэжэ Балдан хэлэбэ.

You have no rights to post comments