Официальный сайт Всебурятской газеты "Толон"
Эсэгын дайнай эхилхэдэ...
- Информация о материале
- Автор: Валентина Цыренжапова
- Категория: Алтан үлгы - Агамнай
- Просмотров: 291
Июниин 22 - Дурасхаалай ба гашуудалай үдэр. Тэбхэр 80 жэлэй саада тээ фашис Германиин манай гүрэндэ добтолһон үдэр...
1937 оной сентябриин 26-да СССР-эй ЦИК-эй тогтоолоор, Шэтын можын бүридэлдэ Агын Буряад-Монголой үндэhэтэнэй тойрог байгуулагдаhан түүхэтэй. Тиихэдэ, Эсэгэ ороноо хамгаалгын дайнай эхилхэдэ, Агын Буряадай тойрог ямар байдалтай, хэр хүгжэлтэтэй байгааб гэжэ тоо баримтанууд хөөрэнэ.
Даши Дугаров: «Олоной нюдэн доро, журамтай ажаллаабди...»
- Информация о материале
- Автор: Дарима Базарова
- Категория: Алтан үлгы - Агамнай
- Просмотров: 373
Табяад жэлэй туршада Ага нютагтаал таhалгаряагүй ажаллажа байһан гүнзэгы бодолтой хүтэлбэрилэгшэ, Үбэр Байгалай хизаарай Хуули байгуулгын Суглаанай депутат, Агын Буряадай тойрогой Түлөөлэгшэдэй суглаанай түрүүлэгшын орлогшо, Хүндэлэлэй болон Эб найрамдалай орденгуудаар, Ородой Уласай Федеральна Суглаанай Федерациин Зүблэлэй ба Гүрэнэй Дүүмын Хүндэлэлэй грамотануудаар, «За заслуги в развитии парламентаризма» гэһэн Хүндэлэлэй тэмдэгээр, «За заслуги перед Читинской областью» болон «За заслуги перед Республикой Бурятия», «В память 850-летия Москвы», «Их Монгол Улс байгуулагдсаны 800 жилийн ой» болон Үбэр Байгалай хизаарай Хуули байгуулгын Суглаанай «Знак Почёта» медальнуудаар шагнагдаһан Агын Буряадай автономито тойрогой хүдөө ажахын габьяата хүдэлмэрилэгшэ, Агын Буряадай тойрогой хүндэтэ ажаһуугша Даши Дугаров июниин 20-до 75 наһанайнгаа ойн баяр угтаба. Ямаршье ойн баяр хэһэн ажалайнгаа дүн татахын шалтаг болодог гээшэ. Эдэ дүнгүүд тухайнь Даши Цыденовичтэй хөөрэлдэбэбди.
Эхэнэр хүнэй юhэн эрдэм: наһатай зондо үреэлтэй, нарата юртэмсэдэ буянтай
- Информация о материале
- Автор: Долгор Раднабазарова
- Категория: Барбаадай
- Просмотров: 488
Һүниие һүни гэнгүй, үдэрые үдэр гэнгүй, ямаршье сагта ходо хажуудатнай байжа бөөмэйлһэн, эдеэ хоолоор таһалдуулангүй, һургаал заабари хэлэжэ ябаһан эхэ эсэгэеэ, аха заха зоноо хүндэлжэ, ашыень харюулхада буян шуу. Эхэ эсэгынгээ, наһатай зоной ядаха сагтань туһалха, үбшэн, хэбтэриин болоһон хүниие галлаха гээшэ баһал ехэ буян болоно. Ядажа ябаһан хүндэ туһала гэхэдээ, даараһан хүрэһэн хүниие дулаасуула, гэдэһээ үлдэһэн, ангаһан хүнэй унда харяа, эдеэлүүлэ гэжэ заадаг байгаа.
Буянтай ябахын тула хамаг муу ааша, үйлэ ябадалнуудые тэбшэжэ, һайн үйлэ хэрэгүүдые бүтээхэ хэрэгтэй. Жэшээнь, гансаардаһаниие сэдьхэлэй дулаагаар жэгнэхэ, наһатай зондо гурбан зөөлэниие эдлүүлхэ, түгэншэлжэ ябаһан зониие гэртээ урижа хонуулха г.м. һайн юумэ үйлэдэбэл, буян хуряагдана, туһа эрижэ абаһан хүн хэһэн һайе һанажа ябаха, өөртэш туһалха бшуу. Тиимэһээ «Урдуураа гараһаниие ундалуула, хойгуураа гараһаниие хонуула», «Туһа хэһэн үрэтэй, тодхор хэһэн харюутай», «Хүндэ туһагүй – Бурханда буянгүй», «Хорые тоһоор харюула», «Зан буруутай хүндэ зол жаргал тудахагүй» г.м. олон һургаалтай сэсэн мэргэн үгэнүүд бии.
Долгор Раднабазарова.
Харагдахагүй, һүрөөтэй «дайсантай» тэмсэгшэд
- Информация о материале
- Автор: Баярма Баторова
- Категория: Энхэ элүүр
- Просмотров: 474
Могойтын аймагай больницын эмшэд Агын тойрог дотор эгээл түрүүн коронавирустай тэмсэжэ эхилhэн. 2020 оной апрель hарада тус больницын халдабарита үбшэнгүүдэй таhагта түрүүшын ковид үбшэнтэд орожо, тэдэнэй тоо үдэр бүри олошоржо эхилhэн юм. Эмнэлгын газарта огто танигдаагүй, hүрɵɵтэй вирустэй ёhото «дайн» эхилhэн. Эмшэд үдэр бүри «дайнда» мэтэ ажалдаа ошодог һэн ха: үбшэнтэниие аргалалга ами наhандань аюултай байгаа. Бүтүү бүгшэм «скафандрнуудые» удаан сагай туршада тайлангүй, эсэхэ сусахые мэдэнгүй, гэр бүлэнэрөөшье мартажа, үхэлтэй тэмсэhэн байна.
Балжанын нуур шадар сэбэрлэгдэбэ
- Информация о материале
- Автор: Цымжидма Долгорова
- Категория: Һүүлэй һонин
- Просмотров: 284
Дулдаргын аймагай Балжана һууринай захиргаан Балжана нуурай эрье сэбэрлэхэ акци июниин 11-дэ эмхидхэһэн байна. Энэ сэбэрлэлгын акцида Балжанын ажаһуугшад, һургуулиинхид, хүүгэдэй сэсэрлигэйхид, Ара Элеэ һууринай ба Курорт Дарһанай эдэбхитэд, Дулдаргын 2-дохи дунда һургуулиин болон Дулдаргын аймагай захиргаанай ажалтад хабаадаа.
Нина Барабыкинагай фото.
Страница 175 из 194